Wheelock UMC " Church Family Valentine 02/14/2025 Night "
What's Love meaning in Family or Couple?
What's impotant in your married?
Yaam dlaabtsi kws tseemceeb heev huv koj lub neej txwjnkawm?
“24 Yog le ntawd mej cov kws yog quaspuj, nyag yuavtsum noog nyag tug quasyawg lug txhua lu, ib yaam le cov ntseeg noog Yexus Khetos lug.
25 Mej cov kws yog quasyawg, mej yuavtsum hlub mej tej quaspuj, ib yaam le Yexus Khetos hlub cov ntseeg, hab nwg muab nwg lub cev lug txhwv cov ntseeg.”
Efexaus 5:24-25
Kev ua Txwjnkawm
Muaj ib tug quaspuj kws nwg yuav tau ib lub tsig kws zoo naav heev hab nwg yog ib lub kws zoo heev, nwg naav ntau ntau xyoo lawm. Ua le caag lub tsig nuav ca le tsi hum nwg naag lawm, rua qhov nwg rog tuaj losis puj tuaj lawm. Nwg xav has tas ca kuv moog yuav lub tshab lug rua qhov lub nuav tsi hum kuv lawm.
Peb kev ua neej nyob caag tsi ca peb ua kuam peb ntxaug lug hum lub tsig, peb ho yuav moog yuav dluab lub tshab. Peb kev ua txwjnkawm los tuabyaam peb tsi kaam txu peb lug sis hum, peb xaav tas tug nuav phem ua luaj ca peb moog yuav dluab tug tshaj ntshai yuav zoo dlua. Peb yuav ua le caag yuav moog txug thaum peb laug tuag.
Peb yuav ib sij hloov dlua ib tug tshab lov! txu koj tug kheej. Nrhav txuj kev zoo, kev sishum xeeb rua lub neej txwjnkawm. Nrhav txuj kev kaaj sab rua meb ob leeg.
Lub Neej Txwjnkawm
“28 Cov quasyawg yuavtsum hlub puab cov quaspuj ib yaam le puab hlub puab lub cev. Tug kws hlub nwg tug quaspuj, tug ntawd yeej hlub nwg lub cev.
29 Yeej tsi muaj leejtwg yuav ntxub nwg lub cev. Tsuas muaj nwg yuav tu ntshis hab nrhav zaub nrhav mov lug yug nwg lub cev, ib yaam le Yexus Khetos ua rua cov ntseeg.
30 Rua qhov peb suavdlawg puavleej koom Yexus lub cev.”
Efexaus 5: 28-30
Kev txwj nkawm yog kev tsim khu tug ntawm yug ib saab kuam zoo tshaaj, tsi yog yuav ua kuam yug tug kheej zoo dlua lwm tug. Ib leeg yuav tau txua ib leeg kuam zoo tshaab plawg. Vim ob leeg koob ua ib tug, hab ob leeg koom ib lub cev. Yog le ntawd, koj tug quaspuj quasyawg yuav zoo hab tsi zoo, yog koj ua tug kws tsim khu nwg, txuas nwg kuam zoo kawg nkaus txaus koj sab nyam txaus koj sab ntshaw.
Yog koj tug quaspuj los quasyawm tsi zoo, tsi yog nwg txuj kev txhum kuam yog koj txuj kev txhum kws tsi khu nwg. Tej zag koj nyam yaam kws nwg ua kuam yog dlhau qhov kws tsim nyog ua lawm yuav tsi zoo rua meb ob leeg.
Xf. Chuelao Moua
